Gjatë seancave përdorim një qasje holistike, duke integruar mendjen, trupin dhe emocionet për të mbështetur mirëqenien tuaj. Çdo seancë është e përshtatur sipas nevojave tuaja unike, duke krijuar një hapësirë të sigurt dhe mbështetëse për eksplorim dhe rritje.
Cfarë mund të prisni:
1. Kthimi në të tashmën
Fillojmë duke krijuar një lidhje të qetë dhe të natyrshme, ku ju mund të ndani shqetësimet ose qëllimet që dëshironi të trajtojmë. Seanca hapet me një diskutim të lehtë për të kuptuar si ndiheni dhe çfarë është më e rëndësishme për ju në atë moment.
2. Psikoterapia dhe Vetë-Eksplorimi
Përmes te folurit empatik, eksplorojmë mendimet, emocionet dhe përvojat tuaja. Duke përdorur qasje terapeutike të bazuara në prova, zbulojmë modelet, besimet dhe sfidat që mund të ndikojnë në shëndetin tuaj.
3. Përpunimi i Traumës me EMDR
Kur një ngjarje aktuale lidhet me një ngjarje të mëparshme traumatike, përbën një shkrehës për aktivizimin e përmbajtjes së paprocesuar. Kjo përmbajtje e mbajtur në formë të papërpunuar, si: mendime, ndjenja, emocione - rishfaqet sërish, duke ju bërë të ndiheni në kohën e tashme ashtu siç jeni ndjerë kur ka ndodhur ngjarja në të shkuarën. Përmes EMDR-së, ne lokalizojmë kujtimet traumatike, të cilat janë përgjegjëse për distresin aktual dhe më pas fillon riprocesimi i tyre.
4. Terapia Kraniosakrale
Për të trajtuar tensionin fizik ose traumën e ruajtur në trup, përfshijmë terapinë kraniosakrale—një teknikë me prekje të lehtë që mbështet aftësinë natyrore të trupit për të shëruar. Kjo është një hapesirë ku mund të dialogojmë dhe të lidhemi me vetveten tonë më të thellë. Qetësi e thellë, relaksim i thellë, qartësi, vetedijeshmeri për veten dhe paqe… janë fjalët që shpesh dëgjohen për të përshkruar Terapinë Kraniosakrale (CST).
5. Integrimi dhe Fuqizimi
E mbyllim seancën me një reflektim mbi njohuritë dhe ndjesitë tuaja. Do të largoheni me mjete dhe strategji praktike, si ushtrime ndërgjegjësimi ose teknika të kujdesit për veten, për të vazhduar rrugëtimin tuaj të shërimit mes seancave.
Qëllimi im është që klientët të rrisin vetëdijen dhe dhembshurinë ndaj vetes, të lidhen më thellë me ndjenjat e tyre dhe atë që ndodh brenda tyre, duke krijuar hapësirë për rritje, qetësi të brendshme dhe vetëpranim.
Nëse kjo rezonon me ju, ju ftoj të rezervoni një seancë dhe të filloni rrugën drejt shërimit holistik.
